மாதிரி அங்கீகாரம் தேவைப்படும் உபகரணங்கள்

வர்த்தகத்திற்குப் பயன்படுத்தப்படுகின்ற ஒவ்வொரு அளக்கும் உபகரணத்திற்கு/ கருவிக்கு அளவுகள் அலகு, தரங்கள் மற்றும் சேவைகள் திணைக்கள பணிப்பாளரால் அங்கீகரிக்கப்பட்ட மாதிரி இருக்க வேண்டும்.

மாதிரி அங்கீகாரத்திற்கான விண்ணப்பம்

1. பொது அங்கீகார சான்றிதழ் வழங்கப்பட்டுள்ள உபகரணங்களைத் தவிர்த்து, மாதிரியைப் பரிசோதிப்பதற்கு சரியான விண்ணப்பப்படிவத்தில் அளவுகள் அலகு, தரங்கள் மற்றும் சேவைகள் திணைக்களத்திற்கு விண்ணப்பிக்க வேண்டும். வௌ;வேறு விதமான மாதிரிகளில் வெவ்வேறு கொள்ளளவைக் கொண்ட சில மாதிரிகள் வருமானால் அவை ஒவ்வொன்றுக்கும் வெவ்வேறு அங்கீகாரம் தேவைப்படும்.
2. அந்த விண்ணப்பம் முழுமையான அளக்கும் உபகரணத்தின் மாதிரியைக் குறிக்க வேண்டும். ஒவ்வொரு பாகத்தின் செயற்பாட்டை அடிப்படையாகக் கொண்டு அளக்கும் முறைமையின் ஒரு பகுதியை மாத்திரம் பரிசோதிப்பதை பணிப்பாளர் தீர்மானிக்கலாம். ஆனால் வர்த்தகத்தில் முழுமையான அளவு முறைமை பயன்படுத்தப்பட வேண்டும் என வேண்டப்படுகிறது. மாதிரியின் திருத்தப்பட்ட பகுதிக்கு அங்கீகாரம் தேவைப்பட்டால், அளக்கும் உபகரணத்திற்கு முழுமையாகப் பொருத்தப்படும்போது அந்தப் பகுதிக்கு மாத்திரம் இங்கீகாரம் தேவைப்பட்டால் அந்தப் பகுதியை மாத்திரம் அங்கீகரிக்கும்படி பணிப்பாளரைக் கேட்டுக்கொள்ளலாம்.
3. மாதிரியின் உருவாக்கம் மற்றும் அதன் இயங்கும் முறை என்பவற்றை விளங்கிக் கொள்ளக்கூடிய வகையில் போதுமான விபரக்கூற்றுகள், புகைப்படங்கள் மற்றும் விபரங்கள் என்பவற்றுடன் வேலைசெய்யும் வரைபடங்கள், செயற்படும் வரைபடங்கள், மின்சார வரைபடங்கள் அல்லது நிலப்புரையோட்ட வரைபடங்கள் போன்ற தொழில்நுட்ப தகவல்களைச் சமர்ப்பிக்க வேண்டும். விளக்கும் அனைத்து ஆவணங்களும் ஆங்கில மொழியில் இருக்க வேண்டும்.
4. அந்த மாதிரி வேறொரு நாட்டில் அங்கீகரிக்கப்பட்டிருந்தால், அங்கீகரிக்கும் அதிகாரசபையின் பெயர், இலக்கம் மற்றும் அங்கீகாரத்தின் தலைப்பு என்பவை வழங்கப்படுதல் வேண்டும். வெளிநாட்டு அங்கீகாரத்தின் பிரதிகள் (தேவையான ஆங்கில மொழிபெயர்ப்புடன்) மற்றும் பரிசோதனை முடிவுகள் அங்கீகாரத்தை வசதிப்படுத்தலாம். ஆனால் அது பரிசோதனைக்கு பதிலாக முன்வைப்பதற்கு அவசியப்படாது. அது பணிப்பாளரால் தீர்மானிக்கப்படும்.

மாதிரி உபகரணத்தின் முன்னேற்பாடு

1. பணிப்பாளரால் கோரப்படுகின்ற மாதிரி உபகரணம் அல்லது உபகரணத்தின் அத்தகைய பாகங்கள் பரிசோதனைக்கு சமர்ப்பிக்கப்படுதல் வேண்டும்.
2. மாதிரி பரிசோதனை மாஹேன்வத்த, பிட்டிபன, ஹோமாகம அளவுகள் அலகு, தரங்கள் மற்றும் சேவைகள் திணைக்களத்தில் அல்லது செயற்படுத்தும் பிசோதனை வகைக்கு அமைய பொருத்தமான மாற்று இடத்தில் பரிசோதனை மேற்கொள்ளப்படும்.
3. பரிசோதனைக்கு சிறப்பு வசதிகள் தேவைப்படும்போது அதை இழுத்து வருவதற்கு மற்றும் பபாகங்களைப் பிரித்து காட்டுவதற்கும் விண்ணப்பதாரர் பொறுப்பேற்க வேண்டும்.
4. விண்ணப்பம் ஏற்றுக்கொள்ளப்பட்டு மூன்று மாதங்களுக்குள் மாதிரி உபகரணத்தை வழங்குவதற்கு அல்லது பரிசோதனை அறிக்கை சமர்ப்பிக்கப்பட்டு மூன்று மாதங்களுக்குள் திருத்தப்பட்ட மாதிரி உபகரணத்தை வழங்க விண்ணப்பதாரி தவறினால் விண்ணப்பம் நிராகரிக்கப்படும்.
5. பூரணமற்ற ஆவணப்படுத்தல் - விண்ணப்பத்தில் கேட்கப்படுபவைகளை வாசித்து விளங்கிக் கொண்டதை விண்ணப்பதாரி உறுதிப்படுத்திக்கொள்ள வேண்டும். அத்துடன் அவசியமான அனைத்து ஆவணங்களையும் சேகரித்து சமர்ப்பிக்க வேண்டும். ஏதாவது தேவைப்படும் ஆவணம் சமர்ப்பிக்கப்படாவிட்டால் அல்லது பிழையான முறையில் சமர்ப்பித்திருந்தால், உங்கள் விண்ணப்பம் ஏற்றுக்கொள்ளப்பட மாட்டாது.
6. சான்று உறுதிப்படுத்தல் - அளவுகள் அலகு, தரங்கள் மற்றும் சேவைகள் திணைக்களம் (ஆருளுளுனு) உங்கள் ஆவணங்களின் அதிகார தன்மையை பரிசோதிக்கும் அதாவது அவற்றை வழங்கிய நிறுவனங்களின் அதிகார தன்மை என்பவற்றைப் பரிசோதிக்கும். துணை ஆவணங்கள் மோசடியானவை என்பதைக் கண்டுபிடித்தால் அங்கீகாரமளித்தலின் எந்தக் கட்டத்திலும் விண்ணப்பத்தை இரத்துச் செய்யும் அதிகாரத்தை திணைக்களம் கொண்டுள்ளது. அத்துடன் மோசடியான ஆவணங்களைச் சமர்ப்பித்தல் இலங்கை சட்டப்படி குற்றமாகக் கருதப்பட்டு சட்ட நடவடிக்கை எடுக்கப்படும்.
7. விண்ணப்பத்தைச் சமர்ப்பித்ததன் பின்னர் திணைக்களம் கேட்டுக்கொண்டால் முழுமையான உபகரணத்தின் மாதிரி, மென்பொருள் மற்றும் துணைப் பாகங்கள் என்பவற்றைச் சமர்ப்பிக்க வேண்டும்.
8. மாதிரி உபகரணம் வழங்கப்பட்ட பிரதான ஆவணங்களுடன் இணங்கியொழுகாவிட்டால் விண்ணப்பம் இரத்துச் செய்யப்படும். கொடுப்பனவு மீளச் செலுத்தப்பட மாட்டாது.

வரைபடங்களுக்கான அங்கீகாரத்திற்கு வரைபடம் மற்றும் புகைப்படம் என்பவற்றிற்கான ஏற்பாடு

விண்ணப்பதாரர் அங்கீகரிக்கும் ஆவணங்களில் வெளியிடுவதற்காக விசேடமாகத் தயாரிக்கப்பட்ட வரைபடங்களையும் புகைப்படங்களையும் வழங்க வேண்டும்.

உபகரணங்களின் உறுதிப்படுத்தல்

பரிசோதனைக்காக சமர்ப்பிக்கப்படுகின்ற மாதிரி உபகரணம் மற்றும்/அல்லது மாதிரி உபகரணங்களின் பாகங்கள் பரிசோதனையின்போது சேதமடைந்தால் அந்த சேதம் அல்லது இழப்புக்கு பணிப்பளர் பொறுப்பேற்க மாட்டார்.

உபகரணங்களை அகற்றுதல்

உபகரணம் மற்றும்/அல்லது உபகரணங்களின் பாகங்கள் தொடர்ந்து தேவைப்படாது என அறிவிக்கப்பட்டால் உடன்பட்ட பரிசோதனை வளாகத்திலிருந்து அல்லது ஆய்வுகூட வளாகத்திலிருந்து பொதிப்படுத்துவது மற்றும் அகற்றுவது விண்ணப்பதாரரின் பொறுப்பாகும்.

அங்கீகாரத்தை இரத்துச்செய்தல்

பணிப்பாளரால் முன்னர் அங்கீகரிக்கப்பட்ட ஏதேனும் அளக்கும் உபகரணம்/கருவி தொடர்ந்து மேற்கொள்ளப்பட்ட பரிசோதனையில் பாதிப்புள்ளதாகக் காணப்பட்டால் முன்னைய அத்தகைய அங்கீகரத்தை இரத்துச் செய்யும் அதிகாரம் பணிப்பளருக்கு உண்டு.

மாதிரி அங்கீகாரத்திற்கான கட்டணம்

குறிப்பு : மாதிரி உபகரணத்தை/ உபகரணங்களை சமர்ப்பிப்பதை அடுத்து மாதிரி அங்கீகாரத்திற்கான கட்டணம் செலுத்தப்படுதல் வேண்டும். மாதிரி அங்கீகாரத்திற்கான பரிசோதனையில் தேர்ச்சியடையாத குறியீடுகளில் சிறு திருத்தங்கள், மென்பொருள்/ வன்பொருள் செயற்பாடுகள் அளவுகளை சரியாகப் பாதிக்காத மற்றும் ஸ்திரமாக இல்லாத உபகரணங்கள் சீர்படுத்துவதற்கு அல்லது திருத்துவதற்குத் திருப்பி அளிக்கப்படும். அத்துடன் அதை சீர்படுத்தியதன்/ திருத்தியதன் பின்னர் திருப்பி அளிக்கப்பட்டு மூன்று மாதங்களுக்குள் அங்கீகாரத்திற்காக மீள சமர்ப்பிக்க முடியும். ஒவ்வொரு மீள் சமர்ப்பிப்புக்கும் 20% செலுத்த வேண்டும். மூன்று மாதங்களின் பின்னர் அது புதிய அங்கீகாரத்திற்கான விண்ணப்பமாகக் கருதப்படும். அதற்கு பதிய ஆங்கீகாரத்திற்கான கட்டணம் செலுத்தப்படுதல் வேண்டும். அளவுகள் கூருணர்வு மற்றும் நுண்ணிடை இயக்க மானி என்பவற்றைப் பாதிக்கின்ற பிரதான மின்சுற்று பலகைள் மற்றும் ஸ்திரத்தன்மை என்பவற்றைப் பாதிக்கும் பாரிய பாதிப்புள்ள உபகரணங்கள் நிராகரிக்கப்படும். அவற்றை திருத்தங்களுடன் புதிதாக விண்ணப்பிக்க வேண்டும். அதற்கு புதிய கட்டணம் செலுத்த வேண்டும்.

மாதிரி அங்கீகரிக்கப்பட்ட அளக்கும் உபகரணங்களுக்கான விற்பனைக்கு மேலும் அங்கீகாரமும் அனுமதிப்பத்திரங்களம் தேவைப்படுகிறது